Aladô de n comunicat dl comando di carabiniers è le fin dl’operazun sté chël, da jí cuntra comportamënc prigurusc, sciöche chël da avisé l’auto do che an á boiü demassa. A set autisć ti él gnü tut la patent. Ai è gnüs abiná cun valurs de alcol tl sanch de passa 1,00 g/l, plü avisa danter 1,06 y 1,46 g/l.
Aladô dl comunicat ti á ince i carabiniers dla staziun de Badia tut la patent a n’ëra de 26 agn, che â gaujé n inzidënt cun por fortüna ma n dann material y che â ince avisé l’auto do avëi boiü massa alcol.
Implö é üna na porsona bele conesciüda dales forzes dl ordin gnüda dada dant por avëi para n cortel nia consintí dala lege. Y n ël de 20 agn é gnü segnalé ales autorités iudiziares do che al ê gnü abiné te na percuisiziun cun na dosa de hashish por le consum personal.
